حملة اشتري مصري !!!

انا مش هافرح بحملة اشتري مصرى اللي هتزود مكاسب رجال أعمال إللى أصلا مش بيدوا للعمال حقوقهم

.. أنا باشتري مصري بطريقتي اللي أنا مقتنع بيها ...
اركن عربيتي و اركب تاكسي .. أكل فريسكا ، درة مشوي أو بطاطا من بياع سريح عالكورنيش هيروح لعيلته بالفلوس ... اشتري كل الخضار و الفاكهة من حد واقف في الشارع مش من السوبر ماركت ..

لو هتجيب هدايا لزمايلك أو لصحابك او لحد بتحبه .. انزل خان الخليلي و اشتري نحاس أو ازاز معشق معمول في الخان مش حاجات صيني
[ندعوك للتسجيل في المنتدى أو التعريف بنفسك لمعاينة هذه الصورة]
.. جرب تلبس جزمة معمولة في مصر ..
جرب مرة تشرب عرقسوس من الشارع ( سمي و اتكل على الله مش هتموت .. كانوا ال 50 مليون ماتوا) ..
افطر مرة من على عربية فول .. و اسمع الراجل اللي على العربية و هو بيدعيلك بصباح نادي و زي الورد ...

اشتري باكو منديل من واد غلبان في اشارة مرور .. حتى لو شكله مش عاجبك ما تبقاش انت و الناس عليه ....
الفلوس إللى بتدفعها بتروح فعلا للناس إللى قامت عشانهم الثوره
بتروح مباشرة للغلابه ...
[ندعوك للتسجيل في المنتدى أو التعريف بنفسك لمعاينة هذه الصورة]
دول وزيهم كتير هما إللى يستحقو المساعده ....
مش رجال الاعمال إللى اصلا معاهم ميارات من البلد ...

ومفكروش يعملو حاجه بجد للبلد ... مصانعهم معموله عشان هما يكسبو وبس ميعرفوش حاجه تانيه وده إحدى اسباب الغلاء إللى حارق البلد .... محدش فيهم حاول يعمل مشروع قومى يساعد الاقتصاد المصرى بجد ... ويرخص الاسعار بجد

لو عايز فعلا تساعد مصر .... ساعد العامل الشقيان... ساعد البياع الغلبان... ساعد بتاع المناديل ... ساعد المنتجات المصريه الصغيره ... وساعد وساعد ... ساعد المحتاج المساعده فعلا .... ومتديش صدقه لحد مبيبعش حاجه ... ساعد إللى بيكافع بجد
[ندعوك للتسجيل في المنتدى أو التعريف بنفسك لمعاينة هذه الصورة]
متساعدش إللى خلو كيلو اللحمه ب 70 جنيه
متساعدش إللى خلو كيلو اللبن ب 7 فى علبه
متساعدش إللى خلو متر سلك الكهربا ب 8 جنيه
متساعدش إللى خلو السندوتش ب 30 جنيه
متساعدش إللى خلو متر السيراميك 100 جنيه
متساعدش إللى خلو كيس المكرونه ب 5 جنيه
متساعدش متساعدش متساعدش ... كتير اوى اوى

ممكن تكون الاسعار دى تافهه بالنسبالك ... لكن 60 % من الشعب المصرى ميعرفش يشتريها .... وعشان كدا الاقتصاد المصرى خارب لأنه غالى جدا وفئه قليله هى إللى قادره عليه

دا بسبب رجال الاعمال اللى عمالين يدفعو ملاين من ارباحهم المهوله على حملات إعلانيه ويلمو فلوسها من الشعب

وسايبين الغلابه مش لاقين ياكلو ولا يسكنو ولا يتعلمو ولا قادرين على مصريف حاجه ... بيتمنو الموت عشان يوفرو لقمه لإخواتهم... والاسعار بتزيد عليهم يوم ورا التانى

عايز تساعد .... ساعد الصناعات الصغيره بجد .. ولو تعرف شغل اى حد ... خلى فلوسك رايحه للى فعلا محتاج ... ومتخليش رجال الاعمال يضحكو عليك
[ندعوك للتسجيل في المنتدى أو التعريف بنفسك لمعاينة هذه الصورة]
اما الاقتصاد المصرى عالميا ... فلا يستطيع احد إصلاحه إلا الحكومه
بوضع حد اعلى للأجور وتخفيض الجمارك والضرائب على المواد الخام الغير موجوده فى مصر ... والماكينات والصناعات الثقيله إلى ان توجد هذه الصناعه مره اخرى حتى يستطيعو إدخال مواد خام رخيصه وتصنيع منتجات مصريه تنافسيه حقيقيه
تساعد على زياده وتنوع المصانع والمنتجات
ومن ثم خفض الاسعار وزياده الجوده

الموضوع مش إختراع ... لكن إحنا بيتنصب علينا
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]