الحلقة الثانية من هنتغير بجد

الحل******قة الث**ان******ية

(امسح كل ذنوبك)

+ايه الاخبار

=ده انت عملت امبارح فيا

حتة مقلب قعدت تحمسنى
وفى الاخر علقتنى ومشيت

+عارف وكان قصدى

=ايه!!

=طيب ليه كده؟

+لان لو اخدت كل حاجة مرة واحدة
هتتحمس شويه وبعديها بساعة
ولا كأن فى اى حاجه

=كلامك مظبوط

+وخلى بالك كل حلقة هيكون
نفس النظام

=بس على الله يجى بفايده

+قلتلك امبارح ثق فى الله
وما تحملش هم

=ماشى..مش ندخل فى الموضوع بقى

+ماشى..يلا

3..2..1..

+السلام عليكم ورحمة الله

=وعليكم السلام ورحمة الله

+ايه الاخبار

=تمام..الحمد لله

+طبعا زى ماانت عارف ان حلقتنا
النهاردة عن ازاى نمسح كل ذنوبنا

+فى البدايه لو قلتلك
ممكن تعد ذنوبك اللى عملتها
من يوم ما اتولدت

=ايه ؟؟؟؟؟؟؟؟؟؟؟

=انت بتكلمنى انا..

+طب بلاش ..
ممكن تعد ذنوبك اللى عملتها
طول الاسبوع ده

=يا عم انا ماشى ...
انت جاى تفكرنى باللى فات

+استنى انا قصدى ان انت
ماتعرفش تعد الذنوب اللى
عملتها النهاردة اساسا

+ومحدش يقدر يعدها الا
الله

=صح

+اذن ماحدش يقدر يمسحها

الا الله

=ونعم بالله

+ولكن ازاى نخلى ربنا يغفر (يمسح)

لنا كل ذنوبنا

=ازاى ..قول انت؟؟

+بصراحة مش انا اللى هقولك

=امال مين ..؟

+اللى هيقولك هو اللى هيغفرلك

كل ذنوبك..حيث قال
عز وجل

(فقلت استغفرو ربكم انه كان غفارا)

=صدق الله العظيم

=يعنى ربنا ممكن يغفر لى
ذنوبى كلها

+انت مش مصدق ربنا ولا ايه ؟؟!!

=انا مصدق والله

ده حتى كلام ربنا
بس انا مش متخيل
يعنى ربنا هيسامحنى فى
كل اللى عملته؟

+انا عارف انك فرحان اوى
علشان كده اسمع الحديث القدسى
الجميل ده

قال الله يا ابن آدم إنك ما دعوتني ورجوتني غفرت لك على ما كان منك ولا أبالي يا ابن آدم لو بلغت ذنوبك عنان السماء ثم استغفرتني غفرت لك ولا أبالي يا ابن آدم إنك لو أتيتني بقراب الأرض خطايا ثم لقيتني لا تشرك بي شيئا لأتيتك بقرابها مغفرة

=طب ولو ذنوبى اكتر

+ممكن ما تقاطعنيش تانى

=انا اسف بس انا فرحان اووى

+عارف بس اسمع للاخر

=ماشى انا اسف

+(يابن ادم لو بلغت ذنوبك
عنان السماء ثم استغفرتنى
غفرت لك ولا ابالى)

+انت واخد بالك من حاجه

=ايه ؟؟

+ان ربنا بيقول غفرت على طول
يعنى ما فيش قبلها ثم ولا حتى
فاغفر

=طب ودى فيها ايه

+فيها كتير

+ان الله لو قال ثم قبل غفرت
معنى كده ان فى فترة ما
ما بين استغفارك لربنا و
ان ربنا يغفرها لك
ونفس الكلام فى لو كانت فاغفر
مع ان اللغه بتقول ان الفاء
تدل على سرعة التنفيذ
ولكن خلى بالك ان حتى لو فى
سرعة فى عمل شئ
برضه هتاخد وقت حتى
لو ثانية واحدة
بس اخدت وقت
ولكن ربك عظيم
اووووووووى
ان معنى ان ربك ما يقولش
ولا (ثم )ولا(ف)
معنى كده ان مفيش اى وقت
ما بين نطقك للاستغفار
وان ربنا يغفرها لك

=ياه ..اد ايه ربنا كريييم اوى

+والله ربك عظيم جدا ولكن احنا

اللى مش واخدين بالنا
+ولو تاخد بالك ان
فى جميع ايات القران
ربك بيقدم صفة الغفران عن اى شئ
يعنى مثلا

(ان الله غفورا رحيما)

ربنا قدم صفة الغفران عن الرحمة

لان استحاله ربنا يرحم شخص
كثيرالذنوب وبالتالى ربنا
هيغفرله ذنوبه وبعده ربنا يرحمه
ولو افترضنا ان قلبك حتة قماشة
بيضة وكل لما تعمل ذنب الذنب ده
يعمل نقطة سوداء على القماشة
اظن كده حتة القماشة بتاعة كل واحد
اتحرقت مش اسودت

=صح

+وخلى بالك ان حبيبك النبى

شبه القلب كأنه حتة حديده
والذنوب كأنه الصدأ اللى على الحديده
والاستغفار هو المنظف لهذا الصدأ
طب ما تجى نلمع قلوبنا بقى

= والله انا نفسى بس التلميع

هيجهدنى اوى وهيتعبنى

+اهم حاجه انت ازاى بتستغفر ربنا

هل بتستغفر من فمك ولا من قلبك

=طب ازاى استغفر من قلبى

+بأنك وانت بتستغفر تكون واثق من ان ربنا هيغفرلك

=ونعم بالله

=طب ازاى استغفر ربنا ؟؟

+فى اذكار كتييير جدا

يعنى مثلا
(استغفر الله )
(استغفر الله العظيم واتوب اليه)
(استغفرك اللهم واتوب اليك )
وفى اذكار كتييير
ولكن لو تلاحظ ان النصف الاول
لو مشيت على حلقة النهارده
اتحقق وهو ان ربنا يغفرلك
ولكن ازاى تتوب لربنا بجد وازاى
تعرف ان ربنا تاب عليك

=اه ..ازاى ؟؟

+ده للى هتعرفو فى الحلقة الجاية

ولكن واجبك من النهاردة تكثر من الاستغفار
علشان نتظف قلبك من اى قذارة
واكيد القذارة على قلوبنا كتيير
+وفى الحلقة التالتة هنتوب بجد لربنا

=طب ما تقول اى حاجه

+انا قلت بكرة ان شاء الرحمن

+يلا..السلام عليكم

=برده بتعلقنى..

=وعليكم السلام

الى اللقاء فى

الحلقة الثالثة

السلام عليكم و رحمة الله و بركاته
اولا جزاكم الله كل الخير على ردكم المفيد و ارجو من الله ان يجعل كل ذلك فى ميزان حسناتنا
انتوا عارفين انا عملت ايه امبارح
صليت ركعتين لله و استغرفت الله كثيرا
ثانيا : رحت صالحت صديقه ليا و مسحت من قلبى و فكرى كل شئ سئ لها مسحت كل شئ و كأن لم يكن باسكتية لكن فى نفس الوقت استوعبت الدرس ولن اكرر سبب غضبى منها و ذلك للتقرب من الله الذى يعفو ع المذنب و المسئ و العاصى إذا تاب
و راجية من الله ان يمحو لى كل صغيره من ذلاتى و يستبدلها بحسانت مضاعفه فهو الغنى العفو الكريم الرحيم
ياريت تحكولنا ايه الى عملتوه امبارح

بارك الله فيكم اختي مشمشة
وغفر الله لي ولكم ولجميع امة محمد صلي الله عليه وسلم
اللهم اني نادم على ما اقترفته من ذنب والخشوع لك قد ملئ القلب

اللهم اني اتوب اليك من ذنوب قد اثقلت كاهلي وتراكمت على اكتافي اترى دمعي سيشفع لي عندك

اللهم استغفرك من كل ما علمته وما لم اعلمه وما فعلته وما لم افعله استغفرك ربي استغفرك ربي

الاهي ليس لي منجا ولا ملجاء الا اليك تقبلني اللهم في رضاك وفي رحمتك واغفر لي يا الله

استغفرك اللهم واتوب اليك

مناجاتي لربي

إلهي , ها أنا عدت إليك

بقلب منكسر ونفس ذليلة بين يديك

إني وقفت على بابك فلا تطردني

طرقت باب الكريم , والكريم لا يرد السائلين

ليس لي سواك ألوذ به

من غيرك سيرحمني ؟؟.

من غيرك سيرأف بي ؟؟.

يا من وسعت رحمته كل شيء

يا من يعفو عن كل مسيء

أسالك أن ترحمني يا رب

اغفر لي زلاتي يا رب

أتيتك أشكو إليك بعدي عنك

أتيتك بذنوب أثقلت كاهلي ولا يغفرها إلا أنت

أتيتك والحياء منك يقتلني

أتيتك مستشفعة بحسن ظني بك

إلهي , يا من عصيته ونسيت عقابه

يا من غفلت عن حبه زمناً طويلاً

يا من غرني حلمه وصبره حتى أنساني أنه يمهل ولا يهمل

يا من أحببتني و ناديتني....

ها أنا أعود إليك بذلي وانكساري فلا تردني خائبة

ليس لي حمى غير حماك

ليس لي جوار إلا جوارك

ليس لي باب غير بابك

يا من هربت بجهلي منك

ها أنا أهرب اليوم إليك

جئت ألوذ بك , وأعوذ بك منك

يا أرحم الراحمين

يا رب المستضعفين

يا مجير الخائفين

يا ملاذ الهاربين

اقبلني ولا تطردني عن بابك , ولا تقطعني من رجائك

إلهي اجذبني إليك واقبل توبتي

شدني إليك واقبل عودتي

اصرف عني الأغيار وأغنني بك عمن سواك

يا من تبسط يدك بالليل ليتوب مسيء النهار

ويا من تبسط يدك بالنهار ليتوب مسيء الليل

اقبل توبتي , وأقل عثرتي

واجعلني يا مولاي مستأنسة بقربي منك

ولا تجعلني بعيدة عنك

يا من بفضله وسعت رحمته كل شيء

فارحمني لأنني شيء من هذا الشيء

واغفر لي كل شيء

ولا تسألني يوم القيامة عن شيء

ولا تحاسبني على شيء , وأنت وحدك القادر على كل شيء

اللهم استجب .. اللهم استجب .. اللهم آمين آمين
منقول

اللهم استجب .. اللهم استجب .. اللهم آمين آمين

بارك الله فيكم اختي في الله مشمشة
الحمد لله
عارفه انا قريت كل كلمة وكنت بعيدها تاني احسن اكون ما قراتهاش كويس
وارجع واقرا الجملة تاني
لقيت قد ايه ربنا غفور حليم
قد ايه ربنا بيغفر ويسامح
وكمان عرفت ان ربنا بيفرح بتوبه عبده المؤمن
ولقيت التشبيه حلو قوي
عارفه عامل زي الواحد لما يكون في صحراء ويضيع الاكل اللي معاه
وخلاص يسلم امره انه ميت ميت مفيش مفر
وفجأة يلاقي الراحلة بتاعته ويلاقي الاكل عليه
شوفي قد ايه فرحته
ده الراجل اللي من فرحته قال اللهم انت عبدي وانا ربك من شدةالفرح
عارفه بقي ربنا بيفرح بتوبتنا اكتر من الراجل ده
زي ما جه في الحديث

ثبت في الصحيحين عنه صلى الله عليه وسلم أنه قال : " لله أشد فرحا بتوبة عبده حين يتوب إليه

من أحدكم كان على راحلته بأرض فلاة , فانفلتت منه , وعليها طعامه وشرابه فأيس منها فأتى

شجرة فأضطجع في ظلها – قد أيس من راحلته – فبينا هو كذلك إذا هو بها قائمة عنده فأخذ

بخطامها ثم قال من شدة الفرح اللهم أنت عبدي وان ربك – أخطأ من شدة الفرح –

سبحان الله ... وما أجمل تلك الحكاية التي ساقها ابن القيم رحمه الله في مدارج السالكين حيث

قال : " وهذا موضع الحكاية المشهورة عن بعض العارفين أنه رأى في بعض السكك باب قد فتح

وخرج منه صبي يستغيث ويبكي , وأمه خلفه تطرده حتى خرج , فأغلقت الباب في وجهه ودخلت

فذهب الصبي غير بعيد ثم وقف متفكرا , فلم يجد له مأوى غير البيت الذي أخرج منه , ولا من يؤويه

غير والدته , فرجع مكسور القلب حزينا . فوجد الباب مرتجا فتوسده ووضع خده على عتبة الباب

ونام , وخرجت أمه , فلما رأته على تلك الحال لم تملك أن رمت نفسها عليه , والتزمته تقبله

وتبكي وتقول : يا ولدي , أين تذهب عني ؟ ومن يؤويك سواي ؟ ألم اقل لك لا تخالفني , ولا

تحملني بمعصيتك لي على خلاف ما جبلت عليه من الرحمة بك والشفقة عليك . وارادتي الخير

لك ؟ ثم أخذته ودخلت " .

فتأمل قول الأم : لا تحملني بمعصيتك لي على خلاف ما جبلت عليه من الرحمة والشفقة .

وتأمل قوله صلى الله عليه وسلم : " الله أرحم بعباده من الوالدة بولدها " وأين تقع رحمة الوالدة

من رحمة الله التي وسعت كل شيء ؟

فإذا أغضبه العبد بمعصيته فقد أستدعى منه صرف تلك الرحمة عنه , فإذا تاب إليه فقد أستدعى

منه ما هو أهله وأولى به .

فهذه تطلعك على سر فرح الله بتوبة عبده أعظم من فرح الواجد لراحلته في الأرض المهلكة بعد

اليأس منها .

حين تقع في المعصية وتلم بها فبادر بالتوبة وسارع إليها , وإياك والتسويف والتأجيل فالأعمار بيد

الله عز وجل , وما يدريك لو دعيت للرحيل وودعت الدنيا وقدمت على مولاك مذنبا عاصي ,ثم أن

التسويف والتأجيل قد يكون مدعاة لاستمراء الذنب والرضا بالمعصية , ولئن كنت الآن تملك الدافع

للتوبة وتحمل الوازع عن المعصية فقد يأتيك وقت تبحث فيه عن هذا الدافع وتستحث هذا الوازع فلا

يجيبك .

لقد كان العارفون بالله عز وجل يعدون تأخير التوبة ذنبا آخر ينبغي أن يتوبوا منه قال العلامة ابن

القيم : " منها أن المبادرة إلى التوبة من الذنب فرض على الفور , ولا يجوز تأخيرها , فمتى أخرها

عصى بالتأخير , فإذا تاب من الذنب بقي عليه التوبة من التأخير , وقل أن تخطر هذه ببال التائب ,

بل عنده انه إذا تاب من الذنب لم يبقى عليه شيء آخر " .

ومن موجبات التوبة الصحيحة : كسرة خاصة تحصل للقلب لا يشبهها شيء ولا تكون لغير المذنب ,

تكسر القلب بين يدي الرب كسرة تامة , قد أحاطت به من جميع جهاته وألقته بين يدي ربه طريحا

ذليلا خاشعا ,

فمن لم يجد ذلك في قلبه فليتهم توبته . وليرجع إلى تصحيحها , فما أصعب التوبة الصحيح

بالحقيقة , وما أسهلها باللسان والدعوى.

فإذا تكرر الذنب من العبد فليكرر التوبة , ومنه أن رجلا أتى النبي صلى الله عليه وسلم فقال : يا

رسول الله : أحدنا يذنب , قال يكتب عليه , قال ثم يستغفر منه ويتوب ,قال : يغفر له ويتاب عليه ,

قال : يكتب عليه , قال :ثم يستغفر ويتوب منه ,قال : يغفر له ويتاب عليه . قال فيعود فيذنب .

قال : "يكتب عليه ولا يمل الله حتى تملوا " .

وقيل للحسن : ألا يستحي أحدنا من ربه يستغفر من ذنوبه ثم يعود , ثم يستغفر ثم يعود , فقال :

" ود الشيطان لو ضفر منكم بهذه , فلا تملوا من الاستغفار " .

إن الهلاك كل الهلاك في الإصرار على الذنوب

وان تعاظمك ذنبك فاعلم أن النصارى قالوا في المتفرد بالكمال : ثالث ثلاثة . فقال لهم أَفَلَا يَتُوبُونَ

إِلَى اللَّهِ وَيَسْتَغْفِرُونَهُ [المائدة:74] وإذا كدت تقنط من رحمته فان الطغاة الذين حرقوا المؤمنين بالنار عرضت

عليهم التوبة : إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا [البروج:10]

بصوا معاي حديث حلو قوي قوي
ياريت نبص عليه بذمة
انا عارف اني طولت عليكم
وعارف ان كل الكلام اللي نقلته معظمنا عارفه
بس انا حبيت ابين رحمة ربنا بينا
وحبيت اوضح قد ايه هو غفور رحيم
دايما بابه مفتوح
دايما ايده لينا مدودة بالغفران
يبسط يده بالليل ليتوب مسئ النهار
ويبسط يده بالنهار ليتوب مسئ الليل
ويعفو عن كثير ويستر علي عبده
شوفوا بقي الحديث
أحدنا يذنب , قال يكتب عليه , قال ثم يستغفر منه ويتوب ,قال : يغفر له ويتاب عليه ,

قال : يكتب عليه , قال :ثم يستغفر ويتوب منه ,قال : يغفر له ويتاب عليه . قال فيعود فيذنب .

قال : "يكتب عليه ولا يمل الله حتى تملوا " .

والله حديث لو تفكر به أي مذنب لتاب بأذن الله تعالى
فاللهم توبنا اليك وندمنا علي ما فعلنا
وعزمنا عزما اكيدا الا نعود
فتقبل الله توبتنا واعفو اللهم عن عثرتنا
يا غفور يا رحيم
اللهم امين
الحلقة الثانية من هنتغير بجد 004g06h0vEP

الحلقة الثانية من هنتغير بجد 004g06h0vEP

حابب اقولك علي سر خطير
بس ياليت ما يكونش حد بيسمعني غيرك
مش عارف ليه كلما اقرب من ربنا الاقي نفسي برجع تاني
وارجع بسرعة وخايف ليكون الشيطان
هوه اللي بيعمل معايا كده
علشان شافني بقيت كويس
وبروح اصلي في الجامع اللي جنبينا
وقدمت في مدرسة لحفظ القرآن وبدأت معاهم كويس
وكل الاغاني والاسطونات كسرتها
وحذفت كل الافلام اللي عندي علي الكميوتر
وبطلت السجاير
الكلام كده حلو ومفيش فيه حاجة
اكيد هتقولي كده انت بقيت شيخ
للاسف لا
الكلام ده قعد يومين وبعدين لقيتني
رجعت للسجاير من تاني وحملت الافلام الجديدة والاغاني من تاني
والصلاة يوم كده ويوم كده
ده حتي البنت بنتي بعد ما خليتها تلبس حجاب قلت ليها مش مشكلة
وايه يعني تطلعي بشعرك
وايه يعني لما تسمعي شوية اغاني فرفشة كده هوه حرام
ما الشيخ الفلاني بيقول نسمع اغاني والشيخ التاني بيقول مش مهم النقاب
مش دول هم المشايخ بتاعتنا
ولازم نسمع كلامهم
مش عارف الكلام ده جه منين
صاحبي كويس قالي ده اكيد الشيطان
علشان انت بقيت كويس
قلت طيب اعمل ايه وانا قد الشيطان ده
ده هوه اللي طلع ابونا ادم من الجنة
قال لي يا عبيط كيد الشيطان ضعيف زي ما ربنا بيقول
إِنَّ كَيْدَ الشَّيْطَانِ كَانَ ضَعِيفاً }
قلت طيب ليه انا برجع بسرعة للذنوب
قالي علشان انت لسه متعود علي الذنوب
متعود تسمع اغاني وده حرام طبعا
متعود تتفرج علي الافلام وده حرام طبعا
متعود ما تروح المسجد وده حرام طبعا
متعود علي بنتك تحط الاحمر والابيض وده حرام طبعا
متعود ان مراتك ما تلبس الحجاب وده حرام طبعا
قلت له يعني ده مش شيطان
قالي دي النفس البشرية او الهوي زي ما بيقول ربنا
{وَنَفْسٍ وَمَا سَوَّاهَا }{فَأَلْهَمَهَا فُجُورَهَا وَتَقْوَاهَا } {قَدْ أَفْلَحَ مَن زَكَّاهَا }{وَقَدْ خَابَ مَن دَسَّاهَا }
قلت يعني ايه ازكي نفسي قلي يعني طهرها ونماها بخير
قلت يعني ايه بردك
قالي يعني تكتر من العمل الصالح
وتصاحب الناس الكويسة
وكلما تعمل حاجة صغيرة تحس انها ذنب تستغفر ربنا علي طول
وتعمل حسنة علشان الحسنات تذهب السيئات
ولو انت ماشي وسمعت اغنية او موسيقي تحط ايديك في ودنك
قلت له ليه قال علشان هي دي مزامير الشيطان
وهي اللي بتخلي القلب واهي زي بيت العنكبوت
يعني هي اللي بتنبت النفاق في القلب وتخلي الواحد بيميل للدنيا
والافلام دي اللي بتسمعها فيها بنات مش لابسه حاجة
قلت لا
بتلبس حاجة كده خفيفة
قال لي رسولك صلي الله عليه وسلم وصفهم كده
كاسيات عاريات يعني تقدر تقول مش لابسه صح
قلت صدقت يا رسول الله
قال لي كل واحدة شفتها يعتبر زنا
قلت اعوذ بالله من الشيطان الرجيم
زني قال لي ايوه الرسول قال كده العين تزني وزناها النظر
قلت طيب العمل
قالي هقولك علي حاجة حلوة
بالليل كده ربنا يتجلي وينزل الي السماء الدنيا ويبسط يده
ويقول هل من تائب فاتوب عليه هل من مستغفر فاغفر له
هل من طالب حاجة فاقضيها له
قلت ما اعظمك يا ربي
ما اعظمك ياربي
قالي عليك بكده واخلص النية لله
وانت هتبقي كويس بس لازم تبعد عن الاغاني والافلام والشلة بتاعت السجاير اللي حواليك وبلاش اي حاجة تغضب ربنا
قلت له ماشي بس خليك جنبي
قال لي ان شاء الله

» الحلقة الرابعة هنتغير بجد
» حملة هنتغير بجد - الحلقة الحادية عشر
» حملة هنتغير بجد - الحلقة الثالثة عشر
» حملة هنتغير بجد - الحلقة الرابعة عشر
» حملة هنتغير بجد - الحلقة الخامسة عشر