الشاورمه البيتي بنفس طعم بره البيت

شاورمه في البيت بس طعمها زي بتاعه افضل المطاعم اللى بره البيت
الموضوع ده مش منقول انا عملت الشاورمه كتير في البيت علشات كده حبيت انقلكم تجربتي معاها ويارب تعجبكن انشاء الله
بس للامانه الصور هي اللى منقوله علشان معرفتش اصور نفسي وانا بعمل الشاورمه وملقتش حد يصورني
جربوا الشاورمه هتعجبكن كتير ومتنسوش تقولولي ايه رايكم حبيباتي
يلا نبتدي بسم الله
المقاديــــــــــــــر :- اللحمه هنا هتكون على حسب عدد افراد الاسره الله يبارك
1-كيلو لحمه مقطعه شرائح بطول الاصابع وعرضها
يجب عليكي وضع اللحمه في الفريزر مسبقا بس مش لدرجه التجميد
لأ يا دوبك تمسك نفسها شويه علشان لما تيجي تقطعيها تكون سهله عليكي تقطيعها
2-عدد 2بصله كبارمقدار نصف كيلو مفروم ناعم بالاضافه الى عدد1بصله كبيره مقطعه شرائح
3-1كوب زبادي كبير مقدار ربع كيلو
4-اذا
كنتي ممن ترغبين في اضافه طعم ونكهه لّيه الخروف الشهيره بالضاني الى
طعامك فعلكي بمقدار 125جرام من لّيه الخروف مقدوحه مع كوب من زيت الطعام
بمقدار 125جرام ايضا جيدا على النار مصفاه من الشوائب الخاصه بالّيه بعد
قدحها
اما اذا كنتي لا تفضلينها بالطعام فيكفي زيت الطعام بمقدار 125جرام
ملحوظه هامه:- اللّيه الخاصه بالخروف هي التي تعطي نكهه للشاورمه مثل التي بالمطاعم المتخصصه في عمل الشاورمه
5-مجموعه من البهارات الخاصه وتسمى بهارلحمه وهي كالاتي:-
يراعى ان تكون جميع البهارات مطحونه ناعم
حبهان -ورق لورا-زعتر- روز ماري-قرفه -قرنفل
يمكن طحن برطمان بمقدار 100جرام لكل عشب على حدى وخلطهم على بعض ووضعهم بالفيريزر لحفظ رائحتهم مده طويله واستخدامها عند الحاجه
بالنسبه لمقدار بهارات الشاورمه ملعقه شاي صغيره على كيلو اللحم من ذلك البرطمان
ملح وفلفل اسود
6-فلفل رومي ولاضافه نكهه ولون يمكن وضع فلفل رومي الوان اخضر واصفر واحمر وبرتقالي بمقدار واحده صغيره من كل لون
7-عددحبات من الطماطم الجامده اوالناشفه او المتماسكه بمقدار نصف كيلو
8-عدد 2حزمه بقدونس او مقدونس
9- مقدار من فنجان القهوه ملئ بالخل الابيض وايضان فنجان قهوه صويا صوص
هام جدا وضروري الخل و الصويا صوص مع الشاورمه
الطريقـــــــــــــــــــــــــه:-
1- يفرم البصل فرم ناعم جدا ويوضع عليه الملح والفلفل الاسود حسب الرغبه في الكميه
2- وضع اللحم على البصل والتقليب جيدا مع اضافه فنجان الخل الابيض والصويا صوص هام جدا
3-
اتفقنا ان لّيه الخروف هتكون مقدوحه مع زيت الطعام ومصفاه من الشوائب
الخاصه باللّيه توضع على اللحمه مع مراعاه وضعها ساخنه جدا بعد قدحها
مباشره ويقلب الخليط جيدا جدا
4-يوضع اخيرا على اللحم كوب الزبادي مع التقليب ايضا تغطي الشاورمه باحكام ونوضع بالثلاجه لمده 24ساعه كامله
5-في
اليوم التالي ترفع الشاورمه على النارحتى تنضج اللحمه ويتشرب ما بها من
ماءالبصل والزبادي ولكن احرصي على عدم حرقها تستوي وتنشف بس
6-يقطع
الفلفل الالوان الرومي شرائح طويله رفيعه مع الطماطم مكعبات صغيره والبصله
الشرائح ويوضع فوق اللحمه وتقلب دقائق قليله جدا على النار بحيث لاتنضج
الطماطم او الفلفل او البصله الشرائح يا دوبك يدّبلوا
7- يقطع البقدونس
صغير جدا ويقلب على الخليط السابق بعد اطفاء النار ووضع الخليط اسفل شوايه
الفرن او بالفرن ان لم تتوفر شوايه سطحيه بالفرن وذلك حتى اكتساب اللون
الاحمر الخاص باللون الشوي واحترسي ان لا تحترق
يمكن
ان يوضع وسط الوعاء الذى به الشاورمه ورقه بصل عليها فحمه صغيره متوهجه من
النار ويرش على الفحمه ملعقه صغيره جدا زبده واحكام الوعاءمباشرا بغطاء
حتى تتشرب من دخان شواء الفحم مع الزبده لمده دقيقتين
وتقدم ساخنه في ساندويتشات مع البطاطس المقليه والكاتشب وسلطه طحينه او مايونيز حسب الرغبه
اذا كنتي تريدنها شاورمه مصري توضع في ساندويتشات كايزر
واذا كنتي ترغبين شاورمه سوري توضع على وجه واحد لعيش لبناني ابيض
اللى احنا بنقول عليه عيش شامي وتلف زي الرول
وبالهنـــــــــــــــــــــــا والشفــــــــــــــــــــــــــــا





[ندعوك للتسجيل في المنتدى أو التعريف بنفسك لمعاينة هذا الرابط]



[ندعوك للتسجيل في المنتدى أو التعريف بنفسك لمعاينة هذا الرابط]


[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]


[ندعوك للتسجيل في المنتدى أو التعريف بنفسك لمعاينة هذا الرابط]



[ندعوك للتسجيل في المنتدى أو التعريف بنفسك لمعاينة هذا الرابط]

بارك الله فيكم اختي في الله

وجزاكم الله خيرا

اكل طعامكم الابرار وافطر عندكم الصائمون

وزادكم الله من فضله

وجعل السعادة ترفرف علي داركم


اللهم بارك في صانعيه واخلف علي باذليه

شكرا لكم

دائما اخواتنا يتنصحوا كده ويسوي الاكل الطيب

شكرا لكم علي هذه الوصفة الطيبة

تسلم الايادي

جاري التنفيذ
[ندعوك للتسجيل في المنتدى أو التعريف بنفسك لمعاينة هذه الصورة]