استعد وصحح صيامك

بسم الله والحمد لله والصلاة والسلام على سيدنا محمد وعلى آله وصحبه أجمعين ..

مذيعة: هااااي

مسلم : أهلاً

مذيعة: إسم حضرتك إيه ؟

مسلم : إسمي مسلم

مذيعة: هاا وإيه أخبار الحياة معاك ؟

مسلم: عادي مقضينها تمام

مذيعة: كنا بنعمل استفتاء عن (كيفية قضاء الشباب لأوقاتهم في رمضان) ـ

ممكن تشاركنا الحوار ؟

مسلم: عادي أشارك

بصي يا ستي

باتسحر قبل الفجر بساعة كدة ... وبعد كدة أقعد على النت شوية لحد الصبح ...

أدخل على منتديات ... شات ... مواقع

بعدها أنام ... واصحى العصر ... اتفرج على التلفزيون لحد المغرب

بعدها أفطر .. واكمل تلفزيون لحد بعد العشاء

وبعدها أنزل أقابل الشلة ونظبط الليل بقى حتى وقت السحور

بس هو دا

مذيعة: طيب ياترى رمضان السنة دي هيبقى مختلف علشان هيكون في الصيف؟؟

مسلم: آه طبعاً هيبقى مختلف ... أظن هتبقى حاجة جديدة

الوقت هيبقى جامد جداً بالليل والخيم الرمضانية في المصايف

وبالنهار هنقضيها نوم ونت وتلفزيون علشان صيامنا مش يضيع

مذيعة: شكراً لمشاركتك معنا

مسلم: العفو

مـُـسـْـلـِـمْ

"مسلم" شاب مثل أي شاب مسلم

إسمه "مسلم"

أمه وأبيه مسلمين ... فالبتالي هو كمان مسلم مثلهم

دا نموذج من حياته في رمضان ( طيب في غير رمضان بقى هتكون ازاي ... ربنا يستر )ـ

المهم ... رمضان عنده عبارة عن ... نوم وتلفزيون ونت

( وركز على كلمة نت أوي ) وخروجات وشلة ( وما أدراك ما الشلة) ،،،

وهذا حال كثير من شبابنا في رمضان ... بس أنت غيرهم طبعاً

مسلم ... هو بطل حملتنا " صحح صيامك "

كل حلقه هنقابله في ثوب جديد ... بظروف جديدة وأحداث جديدة

هنشوف إزاي هيصحح صيامه ....

وإزاي هيبدأ يصحح حياته من الآن !!ـ

مسلم ممكن يكون أنا أو أنت أو أنتِ

ظروفه زي ظروفنا ... وحياته شبه حياتنا

وزي ظروف الأخ دة .... إضغط هنا لمشاهدة المقطع

بالله عليك مش نفسك تصحح حياتك زي هذا الأخ ...

مش نفسك بقى تقرب منه وترجع له ...

ربك في الحديث القدسي يقول لك: " لا تباعد مني"

[صححه الألباني في صحيح الترغيب]

فيا ترى هتفضل بعيــد ولا هترجعله ؟ّ

هذه يدي أضعها في يدك لنبدأ سويًا من هنا

نبــدأ في رحلتنا إلى الله عز وجل

هذه دعوة لنصحح حياتنا سويًا

كل عام وانتم لله اقرب
تقبل الله منا ومنكم صالح الاعمال وخواتيمها

بارك الله فيكم اختي في الله ام يحيي
اللهم بارك لنا في شعبان وبلغنا رمضان
اللهم احسن لنا الختام واجعل خير اعمالنا خواتيمها
وخير ايامنا يوم نلقاك يا ارحم الراحمين
اللهم ارزقنا لذة النظر الي وجهك الكريم
وادم علينا نعمتك وتقبل صالح اعمالنا يا الله

قال رسول الله صلى الله عليه وسلم: "من دل على خير فله
مثل أجر فاعله"
[ رواه مسلم ]

قال النووي (رحمه الله): "دل بالقول، واللسان، والإشارة،

والكتابة"

((رَبَّنَا تَقَبَّلْ مِنَّا إِنَّكَ أَنْتَ السَّمِيعُ
الْعَلِيمُ))

» كيف تحفظ صيامك و أنت على الأنترنت