حاجة تزهق

موضوع: حاجة تزهق السبت ديسمبر 17, 2011 11:00 am

مرة واحد اسلامى دخل الانتخابات

نجح ، قالوا : بسبب الشعارات الدينية.

سقط ، قالوا : خايب ودخلها ليه أساساً

قاطع الانتخابات ، قالوا : شفتم السلبية وبيتكلم عن الايجابية والمشاركة ؟!!

.. دخل بأغلبية ، قالوا : عشان يكوش على المقاعد وتبقى دولة دينية.

دخل بثلث المقاعد ، قالوا : عشان حق الفيتو ويعترضلنا في كل حاجة

دخل بأقلية ، قالوا : شفتم .. ده حجمهم الحقيقى
ساب لهم البلد ومشى ,قالوا : سابولنا البلد خربانة وطفشوا

ساب الأرض وراح المريخ , قالوا : شفتم ... حايعمل غزو عربي وينشر الوهابية .

رجع تاني يزورهم , قالوا : عاوز يبقى زي الخوميني ويمسك الحكم .

رفع عليهم قضية سبّ قالوا : بيسئ استخدام الحق العام وضد حرية التعبير واحنا كنا بنهزر
فقد اعصابه وشتمهم قالك شوفت السفاله
سابهم وراح اعتكف قالك شوفت الدروشه
قام راح شغله، قالوا طمعان فى الدنيا
نزل التحرير، قالوا ركب الثورة
سابلهم التحرير، قالوا خان الثورة
ربى دقنه، قالوا متمسك بالمظهر مش الجوهر
حلق دقنه، قالوا منافق
زهق ورمى نفسه ف النيل قالك كافر وانتحر

فكرتنى بجحا يااخى مسلم
ركب هو وابنه الحمار قالوا ما عندوش رحمه
ركب ونزل ابنه قالوا شوفوا الراجل ساب ابنه يمشى وهو راكب
نزل وركب ابنه قالوا الواد مش محترم راكب وساب ابوه يمشى
نزل ومشى هو وابنه والحمار قالوا غريبه امال الحمار ربنا خالقه ليه
فى الاخر شال الحمار هو وابنه ومشيوا بيه قالوا حجا وابنه اتجننوا
طيب يعنى المسلم الحقيقى يعمل ايه يا استاذ مسلم؟؟؟؟؟؟؟؟؟
يتركها لله
ويقول ربنا موجود
تسلم اخى
ربنا يسعد قلبك

فعلا بارك الله فيكم اختي في الله فرحه

الناس لا يتركون احدا في حاله

وزي المثل الشعبي اللي بيقول

الناس ما يعجبهاش العجب ولا الصيام في رجب

ومن يقبل العمل العام لابد ان يكون لديه صبر

فهو سيسمع كلام كثير

والكلاب تعوي والقافلة تسير

ما ضر بحر الفرات يوما ....إن خاض بعض الكلاب فيه

» حاجة تجيب المناخوليااااااا
» حاجة البشر الى الامر بالمعروف والنهي عن المنكر
» من لم يدع قول الزور والعمل به فليس لله حاجة أن يدع طعامه وشرابه
» كل حاجة حرام حرام !!!