ساندرا .. واوا
أوردت جريدة اليوم السابع خبرا خاصا
فبين أخبار محاكمة النظام السابق
ووعود أوباما وتربصه بالدولة الفلسطينية
والأحوال السياسية الملتهبة داخل البلد
جاء خبرا مميزا .. إذا أردت أن تضحك من أعماق قلبك
فقط تابع التعليقات التي وردت بأسفل الخبر
واليكم النص :
(( أصيبت المخرجة ساندرا نشأت، بجرح فى ساقها أثناء خروجها من فندق الفورسيزون اليوم، نتيجة سقوط لوحة معدنية لم تكن مثبتة جيدا.
كانت ساندرا خارجة من "الجيم" بفندق الفور سيزون، عندما سقطت لوحة معدنية ثقيلة على ساقها، الأمر الذى تسبب فى سقوط المخرجة على الأرض وجرح ساقها، قبل إجراء الإسعافات الضرورية لها.
ورغم أن الأشعة التى أجرتها ساندرا على ساقها أثبتت عدم وجود شروخ فى عظام الساق، إلا أن الراحة لعدة أيام ستكون إجبارية للمخرجة المتميزة. ))
جانب من التعليقات :
وياترى مين إلى وراااا الحادثة ....عبدة اسانسير ...ولاسيد السايس..ولا شكشك الووووز.. فعلا اعلام التفاهات
=================
حنضرب اللوحة المعدنية متعملش كده تانى اأه
=================
والله العظيم قامت فى شارعنا حريقة كبيرة والناس حصلها زعر تصدق محدش عبرنا ولاحد كنب عننا ولاحتى مجلة مكيى
=================
ياه الحمد لله والله العظيم جه عليا اليوم الى اشوف فيه مصر مفيهاش مشاكل خالص غير رجل المخرجه سندرا طيب الاستاذ الى كتب الخبر ده لو طلع على الدائرى هيلاقى ناس بتموت كل يوم فى حوادث وبردو من سقوط بس مش يفطه من عربيات بتسقط من المطبات الى عليه
لا حول ولا قوه الا بالله
=================
يا خارجه من باااب الجيم ,, وكل جيم عليه لوحه ,, لوحه لوحه لوحه ,, امسكى نفسك يا حبيبتى واوعى يجيلك دوخه ,, دوخه دوخه دوخه
=================
ماحدش اخد رقم اللوحة ؟؟ اكيد الفورسيزون ده فلول
=================
السؤال؟؟؟؟؟؟ هيا كانت بتعمل ايه فى الجم لو عرفت الحل اتصل على زيرو معدنية زيرو حنفية
واربح معانا زيارة لمكان الحادث الاليم
=================
وربنا اول مرة اسمع عنهاومن ساعتها انا وزوجي واولادي الل عندهم 3 سنين وسنتين بنعاني من انهيار عصبي وف المستشفي بناخد ف مهدئات ياجماعة عقبال البواقي الل مبوظين البلد
=================
موقعة اللوحة .. أٌحمل طره سيزون المسئولية كامله.
أنشر يا مهلبيه.
=================
اكيد السلفيين هما اللي علقوا اللوحه هههههههههههههههه
=================
يا عيني واوا .. ادينى فى الهايف يا فننس
=================
سقطت عليها لوحة معدنية؟ أنا بس فهمت دلوقتي بيحكموا نظيف والعدلي وغالي بسبب اللوحات المعدنية ليه
=================
لاحول ولا قوة الا بالله
انا من ساعة لما عرفت الخبر ومش قادر اتلم على نفسى حاسس انى حيجى لى حاجة
=================
الا هى مين الاستاذة دى
بطلوا هيافة ياجدعان البلد على بركان وجايبين لى واحدة اول مرة اسمع عنها اتخدشت فى رجلها
ربنا يشفى
=================
الشعب يريد تثبيت اللوحات المعدنيه اثناء الخروج من الجيم
ايه العالم الهايفه دى فعلا صحفيين على ما تفرج
=================
صح
يمكن اللي باع الحديد بتاع اللوحة واحد سلفي
يبقي كده اكيد هو اللي ورا الموضوع كله
اخ منكم ياسلفيين
يا وحشين
)
=================
نداء الى الشيخ الحويني .. يا ريت فضيلة الشيخ لو ساندرا بقيت يا ريت تبيعهالي البت لزماني و هديك اليانت و نشوف سعر السوق كم و انا هديك اعلي من سعر السوق اسال برة و رد علي
بس انا متهيالي انك هتخدها لنفسك يا خلبوص دي متتبعش دي
=================
اكيد الفلول السيس هما السبب هههههههههههه
=================
آي آي يامامي .....افه
=================
ياتافهين
تقريبا انتو عارفين كم التعليقات السلبية اللى هياخدها الخبر ..وممكن تكونوا بتغلسوا ع الناس او بتخرجوهم م الكآبة بـ هيافة ...مين بقى اللذيذ اللى كتب السبق ده ؟
=================
لا خبر هام جدا بصراحه ومتوقف كمان علي نجاح الثوره وإسترداد فلوسنا من الجيم وبينوه عن القوي الخارجيه إللي بتحاول هدم مصر عن طريق رمي الصاج لإصابة المتظاهرين .. ما تتحرق سندرا علي إللي جاب سندرا علي إللي جابتها
=================
تكون المقال بطريقة لطيفة عندما يكونوا هؤلاء اما المشايخ فيتم تلويين الحقائق
=================
انا نازل يوم الجمعة انا والعائلة الى التحرير لان الحاصل دى كتير اوى علشان اطلب العالق الوحة يعدام سلامتك يادماغى اسف يارجولى
=================
ربنا يستر على الأقتصاد اكيد هيتأثر بسبب التعويرة دى وكمان البورصة ربنا يستر عليها اكيد المؤشرات كلها فى النازل بسبب اللى اسمها سندرا دى .... يا أخوانا بلاش هيافة بقى مافية ناس بتتقطع رقبتها كل يوم وبتتفرم تحت العربيات مش من لوحة .. احنا مالنا ما انشلا تموت ولا تروح فى نصيبة
=================
يعني احنا ناقصين دلع ، مش كفاية مبارك اللي عاوزين له دكتور نفساني ؟؟
=================
ماشى بس انا كنت عايز اعرف حصل حاجة للوحه
=================
انا رجلى اتكسرت ومحدش عبرنى ليه كدا
من أنتم من أنتم
=================
فية ناس بتموت يا حج كل يوم من قلت العلاج والفلوس وانت تقولي رجلها اتعورة !!!
=================
مش فاهم اللى بينتقدو الخبر بينتقدوه ليه؟ طيب انت اصلا لما الخبر مش عاجبك قراته ليه من الاساس ولما قراته ومش عاجبك علقت ليه؟
شىء غريب هى دى الهيافه انك تعلق على شىء انت مستهيفه
يا اخى دى مخرجه ومخرجه مشهوره وكان ممكن تموت لو الحديده دى جات على دماغها اكيد ليها معجبين ويهمهم يطمنو عليها
لو انت مش عاجبك ماتقراهوش ولا تعلق من الاساس
=================
هههههههههههه والله احلى مافى الخبر التعليقات فعلا الشعب المصرى ده مسخرة
=================
طمنونا مجلس الامن والامم المتحدة مجتمعين عايزين يعرفوا اخبار السمانة
=================
يا جدعان بلاش ام الهيافة دى
العالم كله ناس بتموت الايامى دى
سبتوه كله ومسكتوا فى اللى اتجرحت
=================
مين حضرتها وبسلامتها عشان تهتموا للدرجة دى
ولا انتم كاتبين الخبر للفكاهه عليها
فهمونا
=================
وعلى العموم ادونا العنوان عشان نعمل اعتصام اما الفندق
للتفاها ناس
=================
الخبر هايف جدا لكن الاهيف انه يتكتب كل كمية الكومنتات دى
=================
اية ياجدعان مانا اتكعبلت امبارح محدش جاب سيرتى ياعنى اية التحيز ده
=================
فعلا انفجار هز العالم كله لانه اللوحه المعدنية اللى وقعت فوق الفنانه العملاقة اللي هزت تاريخ الاقتصاد المصري وحررت مصر من الاستعمار وكانت الشرارة اللي اشعلت الثوره وهيا اللي بنت الاهرامات وأسست مصر الحديثة ...لازم ينقبض علها ويودوها بورتو طره ... ولازم المتحدث الرسمي باسم وزارة الداخليه يطلع يبررلنا الحادث المؤسف ده ويا رب ميكو نش الموضوع في تنظيمات ارهابية ....خبر فعلا شرف للصحفي اللي كتبه والمفروض يحطه فالسي في بتاعه ...
=================
كويس شوية اخبار خفيفه ضحكنا مش كله جدxجد
=================
فعلاً ياجماعه الخبر مهم جداً وفعلاً اثر فيا لدرجة انى بعيط دلوقتى
=================
ده خبر خطير جدا والنظام السابق وقمل الدوله وراء هذا .. بجد انتم بتهرجوا ؟ ده خبر يتقال فى الوقت هذا ؟ فعلا هيافه ولا هى دفعت كويس ؟
=================
يا عيني يا عيني .. أموت أنا فى الجيم ...
=================
يااخونا انا ما شوفتش زي خفه الدم المصريه تعليقات عسل سبحان الله عطانا ملكات كتير بسويمكن اهم من خفه الدم بس خفه الدم فعلا لافته للانتباه انا بحب ال58مليون بموت فيهم انا بقيت مدمنه قراءه
التعليقات علي اي خبر بحبكوووووووووووووووووووووووووووووووووووو يارب اصلح الحال البلد دي حلوه قوي
منقول
موضوع: ساندرا واوا 
الأحد مايو 29, 2011 6:31 pm
