كلمات اعجبتنى

الشباب العظيم الذى قام بالثورة خلال الايام القليلة الاولى وليس للمندسين وركاب الموجه ومتسلقى الاكتاف )

. طالع نهار .. نهار غريب . لا بيسمع ولا بيشوف . والكل يسأل ... عدو والا حبيب؟

هتف الولد .. ده نهار بطعم النار .. غاب كتير حتى بقينا كبار

. كان الكلام في جنح الظلام .. والجمر كان فوقه سلام .

وقف الولد في ميدان كبير .. صرخ.. صوته كان هدير إرحل ... ياظلام الليل .

وإكشف نهارك .. ده إحنا من غيره .. حمير

خاف البلد على الولد.. إرجع .. من خاف سلم هتف الولد ... لا ده كلام ولايا .

. أحلف بترابها وسمايا .. ليكون نهار غير أى نهار

. نار ... وتار أحرار إرحل ... ياظلام الليل سنين .. الكل عادانا .. والعلم عدَانا .. الظلم صبحنا .

. والفقر مسَانا ماء ملوث .. ورغيف مسرطن وناس بتغرق فى المحيط بلا وطن .

وقف الولد فى ميدان كبير .. هتف .. صرخ .. فات الكتير من النهارده .. مااحناش حمير

رفع الشعار .. أنا مش حمار .. أنا ليه تار .. ولو نسيته .. حيبقى عار أبويا مات

.. كان بيحفر .. عشان نعيش سرداب نهايته ميدان كبير أنا فى الميدا

ن ... جنب القريب والحبيب .. ماحد عارف فين الهلال .. ولا حد عارف فين الصليب

. والكل مستنى .. طلوع النهار من النهارده .. أنا مش حمار

فكرت ميت مره قبل ما اتكتبلك علي الملاء احبك كنت مكسوف لحسن حد يفكر اني مجنون فحبك قلت ممكن الاقي حد يعرفني شخصيا و يقول لامي ان بحبك لكني قررت اني اكتبها ورزقي علي الله انا بحبك بحبك حب الرضيع لامه بحبك بحبك الحب اللي اوله واخره شوق و وفاء بحبك انا من غيرك ذي السمكه بره الميه بحبك افهمي بقه يا بنت اللذينه انا بحبك لو حسيت منك بقسوه و ظلم هفضل بردوا احبك لو حاولت اكبر فيكي و فشلت هفضل بردوا احبك لو دغت و دورت علي شغل و ملقيتش هفضل بردوا احبك لو حبيت اتجوز علي ارضك البنت اللي بحلم بيها وما قدرتش هفضل بردوا احبك لو مات ابويا و امي و ادفنوا فارضك هفضل بردوا احبك لو مات ابني وهو بيدافع عنك هفضل بردوا احبك لو ضحيت بنفسي علشان انتي تعلي و تكبري و تتحرري هفضل بردوا احبك لكن يا بلدي اعرف اني مع حبي ليكي مش هقبل ابدا ان اتهان منك او من الحكومه بتاعتك انا مصري اه بس المصري الاصيل ميقبلش الاهانه علي ارضك انا ابن النيل و طول عمري و انا بموت فحبك يا مصر افتح كتاب التاريخ فتلاقي اسمي مكتوب فباب التحرير فصل 25 يناير صفحه مصر الحبيبه

طالع نهار ابيض زي لوزة القطن

من بين ايدنا شبابنا منور وزي الفل

شباب هزم خوفنا اللي من سنين بيطل

لاهمه دبابه ولا ار بي جي بيهم

كلامهم واحد وربهم واحد هو اللي حامي الكل

فرشوا الحصير في ميدانهم الحر

ومن قلوبنا ادثروا بصبرنا ودعوة الام

ومن طعام البلد اكلوا بعيش وفول وفلافل

والكل زي الفل

لاعرفوا يوم كنتاكي ولا حلو بالتفاح

بس النجاح حلمهم يسقط نظام سفاح

والكلمة طالعة من حناجرهم كفاح وسلاح

وفق يارب جمعهم وابعد منافقيهم

ومصر هترجع يوم لو احنا موافقينهم

طلع النهار يا بلد وشمسنا سطعت

لاظلم عاد يعود ولا ارضنا جدبت

من نيلك يا مصر رويتي شبابنا وفيه طمرت

ثلاثمائة شهيد يا بلد وقدهم حصدت

لكن يهون الشهيد لو باسمهم هتفت

ميدان كان اسم لا معني

صبح الميدان معني والاسم سار مغزي

اطلع يا خوف من حناجرهم بنادق

وارمي كل مغتصب ولارضنا ناهب

واخر كلامي معاكم يا شبابنا الحر

لا يهمكم مدفع ولا يهمكم دموع الذل

ومهما ليلنا طال طالع نهارنا الحر

بارك الله فيك على موضوعك القيم
وجزاك الله خيرا

بارك الله فيك على موضوعك القيم
وجزاك الله خيرا

» كلمات اعجبتنى
» كلمة اعجبتنى
» كلامات اعجبتنى تعلمتها
» كلمات من نور
» كلمات