طريقه عمل الشيش طاووق

اليوم انا هعملكم اكله جميله جدا وانا بحبها واولادي كمان
وهي الشيــــــــــــــــــــــش طــــــــــــــــــــــــــاووق
خفيفه وسهله خالص
يلا نبتدي بسم الله

المقاديــــــــــــــــــر:- 1-اولا يجب ان نعرف ان الشيش طاووق بتتعمل بافخاد الفراخ (الوراك) وليست الصدور
مقدار الفراخ كيلو وراك مخليه من الجلد والعظم وبنخلي الفرارجي هو اللى بيخلى الفراخ او بنقوله كيلو شيش طاووق جاهز

2-عدد 2بصله كبيره جدا واحده مفرومه ناعم والتانيه مقطعه على 8اتمان ومتفرغ ورقاتها كل على حدى + ملعقه صغيره ثوم مفروم ناعم

3-عدد حبات طماطم مقطعه اربع

4- عددحبات من الفلفل الرومي مقطع اربع ولاضافه نكهه يمكن استخدام الفلفل الالوان الاحمر والاصفر والبرتقالى مع الاحضر

5- كوب زبادي وزن 125جرام

6- ملح وفلفل اسود وكاري وبهارات اللحم(حبهان +ورق لورا+زعتر+روز ماري+قرفه+قرنفل)جميعها مطحون ناعم بمقدار ملعقه شاي صغيره

7-ملعقه كبيره من الصويا صوص+4معالق كبيره من الخل الابيض

8- الاضافه اللى عندي معلقه كبيره مايونيز+ملعقه كبيره مسطرده (الخردل)

9- اسياخ خشبيه منقوعه بالماء فتره زمنيه مقدار ساعتين قبل الشواء حتى لا تحترق على النار

الطريقــــــــــــــــــــــه:-1- تقطع الفراخ الى قطع متوسطه الحجم يعني كل ورك ممكن يقطع على اربع او خمس قطع على حسب حجم الورك

2-توضع
في اناء عميق ويوضع عليها البصل المفروم ناعم ويقلب +معلقه الثوم الناعم
ويقلب ثم الملح والفلفل الاسود ويقلب ثم البهارات ويقلب ثم الصويا صوص مع
الخل الابيض ويقلب ثم يضاف الزبادي ويقلب ثم المايونيز ويقلب ثم المسطرده
او الخردل ويقلب الخليط جيدا ويحكم غلق الوعاء ويوضع بالثلاجه لمده 24ساعه
كامله

3-تؤخذ الاسياخ الخشبيه السابق نقعها بالماء مده ساعتين
ويوضع بها قطعه من الفراخ وقطعه من البصل الورق وقطعه من الفلفل الرومي
الملون وقطعه من الطماطم ويعاد وضع صف اخر من هذه القطع الى ان يمتلئ السيخ
على حسب طول السيخ

4- هناك طريقتين لتسويه الشيش طاووق
الاولى:- بالشواء على الفحم او الشوايه الكهربائيه اوبالشوايه التي توضع فوق النار مباشره

الثانيه:-
وهي احضار صينيه عليها ورق فويل (القصدير)ورص الاسياخ فوقها ووضع الصينيه
على شبكه الفرن مع تقليب السياخ على الوجه الاخر من الاحين للاخر

في
كلتا حالتي الشواء نضع بين الحين والاخر جزء من الخلطه التى كانت منقوع
بها الفراخ على وجهه الاسياخ لاعطائها اللون الاحمر الذهبي والطعم المميز
للشبيش طاووق

ترفع من على النار وتقدم ساخنه مع البطاطس المقليه ويمكن عملها ساندويتشات اوتقديمها مع طبق مكرونه بالصلصه
وبالهنــــــــــــــــــــــاوالشفـــــــــــــــا

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

للامانــــــــــــــــــــه الصور طبعا هي بس اللى منقوله
بس الطريقه خاصه بيا مش منقوله
اعملوها وقولولي ايه رايكم

بصراحة كده انا هبعت ام عبد الرحمن تتعلم منك

ربنا يبارك فيكم ويزيدك من فنون الطبخ

ويملأ دارك سعاده وهنا

هنيئا مريئا وندعي لاختنا المنتقبه

ويا ليت دايما كده تتحفنا باكلاتها الجميلة

بس تبص للفقراء شوية وتعمل لنا

مسقعه والا فول نابت والا طيبق كشري

هههههههههههههههه

[ندعوك للتسجيل في المنتدى أو التعريف بنفسك لمعاينة هذه الصورة]

جيت بنفسي اتعلم

تسلم الايادي ودايما كده مفلفلة المنتدي باكلاتك الطيبة

وبهارتك في الكل مظبوطه

والاكل فعلا رائع

بالهنا والشفا

ومطرح ما يسري يمري

صحة وعافية
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]

» طريقه ابداعيه لادارة الوقت
» طريقه سهله (كيف نستطيع ان نختم القران في كل شهر)
» ثلاثة وعشرين طريقه تنقص وزنك بدون رجيم
» اسهل طريقه تجعل لسانك رطب بذكر الله على مدار اليوم