ايدي في ايدك نحميهم من برد الشتاء

[ندعوك للتسجيل في المنتدى أو التعريف بنفسك لمعاينة هذا الرابط]

في جو ملياه ريحة الفقر .... بيوت متهالكه .... و شخوص ضعيفه ... الارض فرشها و مش هقول السما لحافها ... اكيد عندها سقف لكن السقف ده مخبى كتير و يمكن عندهم لحاف لكن لحافها ما بيحولش بينها و بين برد الشتا
كل مقومات الحياة الكريمه عندهم معدومه
محتاجين للطعام
و الملبس
وحاجات تانيه كتيرة
احنا مش شايفنهم لكن متاكدين من حاجتهم رغم سكوتهم
يَحْسَبُهُمُ الْجَاهِلُ أَغْنِيَاء مِنَ التَّعَفُّفِ تَعْرِفُهُم بِسِيمَاهُمْ لاَ يَسْأَلُونَ النَّاسَ إِلْحَافاً وَمَا تُنفِقُواْ مِنْ خَيْرٍ فَإِنَّ اللّهَ بِهِ عَلِيمٌ }البقرة273
لكن دلوقتي هنركز جهودنا لحاجه معينه و هي
( بطاطين الشتا )
ممكن بعد الي فات
اقول يالا هانمد ايدينا لكم عشان نوصل لهم
حتى لو الامكانيات مش متاحه انك تساعدهم ... ممكن ما تسبناش و تمشي .... محتاجين لكم كلكم ياريت تكونوا معانا و جنبنا ... مش هنقدر نعمل اي حاجه من غيركم
ممكن تساعدنا و لو بكلمه .... ممكن لو ما فيش عندك فائض تساعد بيه او لو عندك ممكن تفضل جنبنا ؟ ...
هتقول طيب انا مطلوب مني ايه؟
تكلم اهلك و اصحابك ومعارفك و زمايلك في الشغل في الجامعه عن صعوبة حالهم ..... هتلاقي خير كتير عندهم و ياريت تكون انت سبب في توصيله لناس حقيقي تستاهله.... انا مش عايزاك لوحدك ... انا عيزاك و معاك كل الناس الي تقدر تأثر فيهم ( يالا فرصه نشوف قوة تأثيركم )
طيب هتقول ايه .... هتقول كل الي عرفته هنا ( اتصفح موضوعاتنا القديمه هنا في قسم الاعمال الخيريه ) و لو عايز تعرف تاني اسأل استاذ / احمد , او حبيبة الله . او افتح قلبك و اكيد هتلاقي الي هيوصف لك حال انا عارفه انك ما ترضهوش على اخواتك
هيجي يوم نتسأل عن الناس دي ... بلاش تبخل بكلمه او بفعل صغير يمكن يكون وزنه كبير
بلاش نكون بسلبيتنا سبب في زيادة مرض المريض او يمكن موته
بلاش يكون عدمنا افضل من وجودنا بالنسبه لهم
من هنا بقول لكم كلكم ... يمكن لو الاستاذ احمد خبى عنا و ما اتكلمش في الموضوع ده كان الامر عدى ... يمكن
لكن كلنا عرفنا ان الحال ما يتسكتش عليه
فقر و مرض و بطاله و جهل
و يا عالم فيه ايه تاني
هنتحاسب عن الناس دي و عن احتياجاتهم البسيطه المعدومه
ما بالك لو حاجتهم دي دفعتهم لفعل حرام
هتقول ايه لربنا لما يسألك؟
كلنا مسئولين
كل واحد يمد ايده لهم و لو بحق بطانيه واحده ... اوعى تتكسف من القليل ...مش معاك تمن بطانية واحدة ... برضه ما تسيبناش وتمشى ... مد ايدك ولو بجنيه .... خمسة ... كله فى النهاية بيجمع وكفاية انك تكون مشارك فى عمل الخير ... لو مشاركتك قليلة .. زودها بدعوتك لناسك وفى الحالة دى مش ها يبقى جنيه او خمسة ها يبقوا كتير
واوعى تنسى انك بكدة مشارك فى ثواب كل واحد من زمايلك ها تكلمه ويشارك فالدال على الخير كفاعله
قال صلى الله عليه و سلم : من سن سنة حسنة عمل بها بعده كان له أجرها ، ومثل أجورهم من غير أن ينتقص من أجورهم شيئا
و معناه ... من أحيا سنّة من سنن النبي صلى الله عليه وسلم أو دلّ عليها أو أمر بها أو عمل بها ليقتدي به من يراه أو يسمعه فله مثل اجر العامل
عايزين نجهز لحمله كبيره .... تكونوا انتم عنوانها في كل مكان تروحوا فيه
الموضوع ابداً ما فيش فيه كسوف
يالا نغير المواضيع الي بنتكلم فيها .... و نتواصل مع ناس اكتر و احنا هدفنا خالص لوجه الله تعالى
هدفنا ( حمايتك يا بلدي من لسعة الشتا )
هم دول اهل بلدي الي محتاجين لنا ... و رينا قد ايه بتحبها
في انتظار تفاعلكم الحقيقي
و متأكده بإذن الله ان الحال هيتغير طول ما فيه ناس الخير جواها و ايجابيه زيكم

السلام عليكم ورحمة الله وبركاته
مشروع خيرلاهل الخير
وكلنا والحمد لله بنحب عمل الخير
ومش هقول هنحط رقم حساب نجمع فيه الفلوس
ولا هقول كل واحد يدفه كام
ولا هنصح بانك تبعت فلوس علشان اطفال فلسطين
مع ان لو عملت ده الثواب هيكبر والحسنة بعشر امثالها الي سبعمائه والله يضاعف لمن يشاء
ولكن هقول انت عندك كام بانية في البيت وكام لحاف قطن
ويمكن عندك دفايه
او بيتك بتشغل التكييف
وعارف ان ليك ابن عم او ابن خال
او قريب لك او حتي جار معاه خمس اولاد ومفيش عنده غير بطانية واحدة ولحاف
ابه المشكلة لو تعطيه واحدة
ولو مكسوف تبعتها لانها قديمة شوية ابعتها لاقرب جمعية اهليه
مش عارف جمعيات ابعتها لاي جامع ووصي الشيخ يديها للي يستحقها
عاوز تكون احسن من كده وتأخذ ثواب اكبر اشتري بطانية جديدة
ولو مش هتقدر علي ثمنها كله اللي بيساوي ثمن كيلو لحم توفره
وتأكل فيه اكله خفيفه
اي مبلغ ممكن تجود بيه
وكمان لو حابب الملابس اللي ضاقت عليك وعلي اولادك
جمعهم وفي نفس الطريق
اما بنفسك او جمعية او جامع
يسلام لو تقول لاصحابك وتتولي تجمع منهم
وتخلي المدام تغسلهم وتكويهم
وتضعهم في اكياس
وتبعتهم
شوف قد ايه كنت سبب في طفل عريان ارتدي ما يقيه شدة البروده
شوف كام اسرة هتبات في دفئ مش بتكتك من البرد
ياه لو الاكل اللي بيفيض منك وبترميه في الزباله (وده ذنب وكفران بالنعمه ) تعطيه لاي فقير
جنبك
عارف كل اللي بقول عليه ده هو ده التكافل في الاسلام
انا عارف انك ممكن تعمل اكثر من كده
بس يا ليت ما تكون لوحدك
كتير منا بيستقللوا ده بس لو شجعتهم
شوف قد ايه حسنات هيبقي في مزان اعمالك
ويا ليت تزرع ده في اولادك
يعني لو معاه سندوتشات وجنبه زميل مش لاقي ومش قادر يغعطيه سندوتش
مش هيكلفك كتير
بس هيساوي اكثر عند ربنا
اقرب واحد ليك انت اما جارك او العامل بتاعك في الشغل
وما اكثر المحتاجين
[ندعوك للتسجيل في المنتدى أو التعريف بنفسك لمعاينة هذا الرابط]

﴿بِسْمِ
اللَّهِ الرَّحْمَنِ الرَّحِيمِ﴾

[ندعوك للتسجيل في المنتدى أو التعريف بنفسك لمعاينة هذه الصورة]

جرب تشوفها من
الناحية التانية مرة

هو
مين المحتاج للتاني أكتر ... احنا
ولا واحد عايز بطانية ؟

وقت
الحاجة مش في الدنيا .. وقت
الحاجة هو وقت العرض على رب
العزة..

يقول
رسول الله صلى الله عليه وسلم "من
فرج عن مسلم كربة فرج
الله عنه كربة من كرب
يوم القيامة "

حملة
شهر ديسمبر ٢٠١١
هي
حملة بطاطين لأهالي الصعيد في مصر
...

سعر البطانية: ٣٠ جنيه

للمشاركة:

أحمد سعيد: ٠١٢٢٥٠٦٤٧٢٩

اسامة
أمين : ٠١٠٠٦٣٨٨٨٥١

لمتابعة
أنشطة جمعيتنا:

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

» صحتك في فصل الشتاء !
» الشتاء غنيمة العابدين
» الشتاء أحكام وآداب
» مرحبا بغنيمة العابدين.... فصل الشتاء
» الانفلونز الصيف اصعب من الشتاء