صحبة الخير
{يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوباً وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ }الحجرات13

{إِنَّ هَـذَا الْقُرْآنَ يِهْدِي لِلَّتِي هِيَ أَقْوَمُ وَيُبَشِّرُ الْمُؤْمِنِينَ الَّذِينَ يَعْمَلُونَ الصَّالِحَاتِ أَنَّ لَهُمْ أَجْراً كَبِيراً }الإسراء9

يسعدنا ان تشارك معنا

صحبة الخير

منتدي اسلامي ثقافي دعوي اجتماعي عام
 
الرئيسيةالبوابةالتسجيلدخول
 
بسم الله الرحمن الرحيم

رَبَّنَا لاَ تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِن لَّدُنكَ رَحْمَةً إِنَّكَ أَنتَ الْوَهَّابُ
صدق الله العضيم


شاطر | 
 

 متصاحبيش وعن حب ربك متبعديش

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مسلم
Admin
avatar

عدد المساهمات : 9691
نقاط : 17985
السٌّمعَة : 67
تاريخ التسجيل : 11/03/2010
العمر : 48

مُساهمةموضوع: متصاحبيش وعن حب ربك متبعديش   الجمعة ديسمبر 02, 2011 8:59 pm

بصوا إنتم مش أغراب برده..
عاوزةأفضفض معاكم بموضوع كده..

بقالى سنين محافظة على نفسى..
مبكلمش ولاد..قافلة على قلبى بالضبة والمفتاح زى ما بيقولوا
وبقول ان قلبى ليه مفتاح واحد ونسخته مع زوجى بإذن الله..

ومحافظة برده على نفسى وبحاول ألتزم بالزى الشرعى..
وبتجاهل تعليقات قرايبى وصحباتى..
اللى يقولى ايه الخيمة اللى انتى لبساها دى وايه ياست الشيخة..ويابنتى البسى عدل زى البنات وعيشى سنك..
وغيره وغيره..

بس أنا للأسف أوقات بضعف والشيطان بيلعب فى دماغى..
ويقولى هم الولاد يعنى هياكلوكى؟؟ فيها ايه لو اتكلمتى معاهم واهم زي أخواتك برده وأدام انتى بتحطى حدود مفيهاش حاجة..الدين يسر برده..

وفيها ايه يعنى لو خليتى هدومك تبقى متظبطة عليكى كده وتقصرى الخمار والطرح شويتيين..وتحطى مكياج خفيف كده مش هيبان اووى زى ما انتى فاكرة
يعنى جت عليكى ..ماهو كل البنات عايشة حياتها..ويعنى الولاد هيسيبوا كل البنات ويبصولك انتى؟؟؟؟

خليكى كده عمر ما حد هيبصلك ولا هيفكر يتجوزك..

أبدأ أبص على البنات صحابى..الاقيهم كلهم ايه ماشاء الله ..اللى لابسة بنطلون متعرفش داخل فيها ازاى؟؟
واللى لبسة جيبة وبادى امر من البنطلون..واللى لابسة طرحة من فوق ونص رجلها باينة من تحت..
واللى لابسة جيب قصيرة وتحتها ليجن شفاف وبرده لابسة طرحها.. واللى واللى............
بصراحة يعنى بينى وبينكم شكلهم حلو ومأطأط كده.. وكل الشباب عيونهم رايحة عليهم وبيحاولوا يكلموهم..


بس ثوانى كده...جبت كوباية ماية وكبتها فى وشى عشان أفوق من الهلوسة اللى انا بقولها دى..

كل البنات دول..قصصهم معروفة وبقوا اسطوانة بتتكرر..هيكلموا الولاد وتبدا القصة ويدخلوا مع بعض فى قصة حب وهمية مدتها ساعتين إلا ربع..أو يومين الا ربع ..أو شهرين الا ربع ..

ونهايتها تخرج البنت منها متحطمة نفسياً إنها إدت مشاعرها لإنسان ميستهلهاش ..وندماااااااانة جدااااااااا والكلمة اللى بتقولها أنا اللى استاهل أصلى انا اللى رخصت نفسى..
وياترى هتتعظ؟؟ ولا هتدور على قصة تانية تدخل فيها عشان تنسيها القصة الاولى ودايرة بقى مبتخاصش تخرج من قصة لقصة تانيه..
وقلبها يبدأ يدبل شويه بشويه زى الوردة..
الوردة لما بنقطفها خلاص بتبدا مرحلة الذبول وتبدا الايادى تتنقلها من ايد لايد وفى الاخر بيكون مصيرها الشارع تحت الرجلين او فى اى صندوق زبالة تترمى فيه..
القلب كده برده..لما بيبعد عن ربنا بيبدأ يدبل لو ملحقتوش بالتوبة خلاص هيضيع..


ويطلع الولد يدور على بنت تانيه يتسلى معاها شويه..والأكيد انه عمره مهيفكر يرتبط رسمى بأى بنت من دول..

لأنه عاوز ببساطة بنت خام..قطة مغمضة عمرها مكلمت ولاد ولبسها محترم مبتحطش مكياج ..

أعتقد القصة دى بقت معروفة ومحفوظة..بتتكرر فى اليوم 100 مرة..واللى يغيظك ان البنت والولد بيكونون عارفين نهايتها قبل ما بتبتدى..طب بيكملوا فيها ليه؟؟؟؟؟؟؟؟ اعتقد فراااااااااغ وقلب بعيد عن ربنا..

أرجع بقى لنفسى..
وأقولها إنتى غالية أوووووووى ..قلبك ده ربنا هيرزقه باللى يصونه ويستاهله..
ماهو ربنا قال الطيبون للطيبات..
زى ما انتى هتكونى هيكون زوجك بالظبط..لو عاوزة زوج عفيف وحيي وقلبه ملك لربنا
خليكى عفيفة وحيية وقلبك ملك لربنا..

معلش لو تعبت شويه ولسه ما آنش الآوان ان ربنا يجمعنى بزوجى..
لأن الزواج كله رزق وكله بأوان..

المهم ان ربنا يكون راضى عنى وحبيبى محمد فرحان بىّ..

كفايه أووى إن لما حد يشوفنى فى الشارع بحجابى الجميل يقولى ربنا يحفظك يابنتى ويبارك فيكى..وكفايه إن أهالى صحباتى المتبرجات دول نفسهم..يقولولهم ما أنتم لو كنتوا صحاب فلانة دى كان زمانكم زييها ..واللى تقولى ربنا يكرمك حاولى تآخدى بإيد بنتى..الحمد لله..

يارب ثبتنى يااااااااارب

_________________
[ندعوك للتسجيل في المنتدى أو التعريف بنفسك لمعاينة هذا الرابط]

رَبَّنَا لاَ تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِن لَّدُنكَ رَحْمَةً إِنَّكَ أَنتَ الْوَهَّابُ
صدق الله العضيم
لن تركع أمة قائدها محمد صل الله عليه وسلم
الرجوع الى أعلى الصفحة اذهب الى الأسفل
http://sohptelker.hooxs.com
 
متصاحبيش وعن حب ربك متبعديش
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
صحبة الخير  :: الاقسام الاجتماعية :: «۩۞۩ ركن الاخوات ۩۞۩»-
انتقل الى: